matrapapupa, faqja e Astrit Canit

Është një blog që siç thekson edhe nën titulli, flet mbi « ese, poezi, artikuj publicistikë, tregime, recensione, humor, përkthime ». Edhe autori, esteti, kur e pyeta të fliste pak mbi veten dhe blogun e tij, mu përgjigj thjeshtë « merrem me Letersi, pra, meqe e shkruej me te madhe, merrem me te gjitha llojet e Saj, pra letersi, filozofi, histori, kritike e me radhe ». Lexim të këndshëm të këtij blogu që merret akoma me fjalën dhe përdorimin e saj.

Mbi vijë

Ja dhe blogu i një nga pionierëve në blogostanin shqiptar. Një nga më aktivët gjithashtu. Nëse nuk kam folur më përpara për këtë blog është që autori, d, nuk para jep intervista megjithëse është gjithmonë prezent në komentet e lexuesve të tij. Mbi vijë, një blog filozofik ku fjala shqip është mbret.

Blogshkenca

Emri i blogut shpreh qartë përmbajtjen e tij. Pra ja dhe blogu i parë në shqip që ka për objekt shkencën. Autorët nuk janë të identifikuar veç blogu është shumë interesat megjithëse artikujt e tij nuk ftojnë komente, kush mund të komentojë shkencën ?

Laureta Mema

Ja dhe një blog artistik me krijimet e Lureta Memës. Blogu është i pasur me poezi, tregime, ese dhe fotografi. Krijimet e autores janë vërtet shumë të ndjera dhe të pasura. Mendoj që kjo krijuese e re shprehet shumë mirë në poezi apo prozë. Blog me vlera.

Beni's Blog

Më pëlqen kur zbuloj nje blog te ri dhe jam nje nga të parat të flas për të (jo e para në blogun e tij ka komente tashmë, bile më shumë se artikuj). Në këtë blog ka plot artikuj qe informojnë mbi të rejat në fushën e informatikës apo mund të ndihmojnë për të zgjidhur problemet e specialistëve të kësaj fushe. Beni, autori, nuk flet shumë për veten për momentin, profili nuk është i plotësuar, veç besoj nuk do të vonojë.

Krasta Krau

Blogu Krasta Krau ka për autor Vladimir Karaj që sot jeton në Tiranë. Blogu, sigurisht në shqip, na sjell krijmtari të autorit në poezi dhe prozë. Secili mund të citojë krijimet e këtij të fundit veç me lejen e autorit.

Lexim të këndshëm.

le blog adelinazog

Një blog tërësisht me poezi. Autorja, që shokoni në fotografi, vjen nga Tepelena, Bënça. Mbasi ka përfunduar studimet e larta në Atdhe për gjuhë e letërsia, poetesha jeton sot në Belgjikë. Ajo vetë shprehet për blogun e saj : « shpresoj të kënaq lexuesit me krijimet e mija origjinale,ku trajtohen tema të ndryshme të jetës ». Le t’i urojmë autores sa më shumë frymëzim.